init: moved to own site

4 files changed, 281 insertions, 0 deletions

diff --git a/blog/genocide.md b/blog/genocide.md
new file mode 100644
index 0000000..6172d2a
--- /dev/null
+++ b/blog/genocide.md
@@ -0,0 +1,20 @@
+title: On The Ongoing Genocide
+date: 2023-10-17
+
+*This note was originally posted on LinkedIn, you can find the original post [here](https://www.linkedin.com/posts/ahmedalaawk_gaza-palestine-freepalestine-activity-7120143135753592832-Qm8s/)*
+
+# On The Ongoing Genocide
+
+I need to get this off my chest. And I'm writing this in English for more exposure, since we're on LinkedIn, also it'd give me a chance to better phrase what I want to share.
+
+I consider myself a tough guy, not the toughest, but hardened enough to receive bad news and think rationally. I've witnessed deaths, injuries, and even a couple of cases where people were living a true body horror stories to say the least. But right now I can't.
+
+I really can't keep up with the news from Gaza. And every time I try to catch up, I find myself, how should I put it? I just can't take it. And this is me, the "tough" guy, sitting comfortably on my couch, sipping iced tea after playing with my kids.
+
+I can't shake the pictures of the children off my head. I don't think I will ever do. I get this crushing feeling of despair, helplessness and paralyzing sadness. My heart races and my hands start to shake. And I feel this heavy weight on my chest making it very hard to breath.
+
+I can't even begin to imagine how the people there are feeling. The torn families, the parents who lost their kids, the kids who lost their parents, the medics, the journalists.
+
+This is where some people would say that sharing the news and pictures of children skulls cracked open like a nut is a bad thing, and this is causing stress and anxiety, and other likewise crap. But no.
+
+You should share everything you can. I should share everything I can. Everyone must know what is happening. Maybe good actions will be taken when enough people get stressed. And we must show the world that we care. That's the least we can do. They shove their rainbows down our throats, and we should shove something back.
\ No newline at end of file
diff --git a/blog/helloworld.md b/blog/helloworld.md
new file mode 100644
index 0000000..3c86fa5
--- /dev/null
+++ b/blog/helloworld.md
@@ -0,0 +1,21 @@
+title: Hello, World!
+date: 2023-08-25
+
+# Initializing
+
+This is my 13th attempt to regularly write and maintain a blog. I change my internet name almost every year. So, the hope is to stick with this one long enough to actually blog.
+
+I will also try to things differently this time. Of course, I will try to make my own static site generator, blogging platform or something like that. But I won't wait till I make it to write anything. In fact, I'll start by writing about why this blog thing looks this way.
+
+I am a sucker for minimalism. I love how [this](https://motherfuckingwebsite.com/), [this](http://bettermotherfuckingwebsite.com/), and [this](https://thebestmotherfucking.website/) look. And I would like my site to be better than the best motherfucking website.
+
+Quick digression: I almost went down the rabbit hole while getting the best mf website link because I really liked how it looked and wanted to steal its CSS. So, yeah, that's how my brain fucks with me.
+
+Also, in the spirit of minimalism and not to rewrite how the wheel was invented, instead of listing reasons why one should try to self-host their blog, or why we all should embrace web minimalism, I'll link to the words of cool people who, in my opinion, wrote it better than I would ever do:
+
+- The [three](https://motherfuckingwebsite.com/) [motherfucking](http://bettermotherfuckingwebsite.com/) [websites](https://thebestmotherfucking.website/).
+- [Theodore Keloglou](https://nutcroft.com/)'s words in the Philosophy section on the homepage of [Mataroa blog](https://mataroa.blog/).
+- [Derek Sivers](https://sive.rs/)'s article on [Digital pollution](https://sive.rs/polut).
+- And a quote from [Stavros](https://www.stavros.io/)' [Quick Site](https://quicksite.stavros.io/) "Medium is a walled garden, WordPress is too complicated, Facebook is the second horseman of the apocalypse".
+
+This is it for now. Stay safe. Don't do drugs or JavaScript.
\ No newline at end of file
diff --git a/blog/my-organization-system.md b/blog/my-organization-system.md
new file mode 100644
index 0000000..6bca771
--- /dev/null
+++ b/blog/my-organization-system.md
@@ -0,0 +1,107 @@
+title: الـ productivity 📈
+date: 2025-10-14
+lang: ar
+
+# نظام التنظيم المنظم
+
+بقالي فترة لا بأس بها بجرب وبحاول أوصل لنظام للتاسكات والشغل علشان مفيش حاجة تقع مني، وكنت بفكر لو النظام ده عرفت أطبقه على حياتي الشخصية لتنظيم وقتي عموماً هتبقى حاجة عظمة. بدأت الأول بجرب أبلكيشنز زي Asana و Trello و Notion بس مفيش حاجة عملت مفعول أو التزمت بيها لأسباب كتير منها إن الأبلكيشن تقيل على الموبايل أو مش Cross-platform أو شكله بيشتتني، وبعض الأحيان وجود payment prompt مزعج في مكان ما علشان أستخدم feature أنا مش محتاجها. في الأخر ما اكتشفت إن مفيش حاجة عجباني (أو أنا اللي بتلكك) بدأت أدور وأقرأ عن الـ productivity systems. وبعد بحث وفحص ومحص وتمحيص عملت لنفسي نظام من حاجات كنت بعملها وحاجات قريت عنها، وبقالي حوالي 3 أسابيع ماشي عليه وحاسس بفرق كويس.
+
+في الأول خليني أعرضلك عزيزي القارئ الحاجات اللي جربتها أو قرأت عنها، ونمشي مع بعض في رحلة اتخاذ القرار أو عمل النظام نفسه.
+
+## أنظمة الإنتاجية بتاعة الناس التانيين
+
+هحاول أذكر أهم النقط في كل نظام هنا بس مش هدخل في كل التفاصيل أوي، لو حد حابب يدوس أكتر هكون حاطط resources في كل نظام. كمان ممكن تشوف الـ [note دي](/garden/system/) اللي في الـ [garden](/garden/) علشان فيها شوية عن تاريخ طرق الإنتاجية دي.
+
+### 1. طريقة إنجاز الحاجات Getting Things Done
+
+أول حاجة حاولت أجربها هي GTD أو Getting Things Done أو إنجاز الحاجات. في الأول [قرأت](https://asana.com/resources/getting-things-done-gtd) [شوية](https://lifehacker.com/work/what-is-the-gtd-method) [مقالات](https://www.101planners.com/getting-things-done-gtd/) أونلاين واتفرجت على [شوية](https://www.youtube.com/watch?v=bwvl5p77DTA) [فيديوهات](https://www.youtube.com/watch?v=JZpHnLkMAas). دورت على الكتاب مكنتش لاقيه hardcopy بس من كام شهر لقيت في [مكتبة رحالة](https://rahaalabookstore.com/) كتاب Making It All Work لديفيد ألين بردو اللي بياخد تطبيق طريقة GTD للحياة الشخصية كمان.
+
+طريقة GTD ببساطة متقسمة لخمس خطوات وعلى حسب تطبيقك ليها حوالي خمس قوائم بردو:
+
+1. التسجيل Capture: ودي أول حاجة لازم تتعمل في معظم طرق الإنتاجية عموماً، ودي هي إننا نسجل كل الأفكار أو  التاسكات اللي بتجيلنا أو بنفتكرها أو بتعرضلها في قائمة أو مفكرة أو أجندة وأبلكيشن ودي هنسميها الـ Inbox بتاعنا أو الخواطر الواردة. أهمية الخطوة دي إننا منحتفظش بالفكرة دي في دماغنا ونوفر الذاكرة لحاجة أهم. على كلام ديفيد ألين إننا طالما سجلنا الفكرة وواثقين في النظام بتاعنا إننا هنرجعلها تاني ومش هتتنسى، ده بيقلل التوتر الناتج عن إننا طول الوقت بنفكر نفسنا بالتاسك أو الحاجة اللي ورانا. بس مجرد تسجيل الفكرة أو التاسك مش كفاية لازم نكمل.
+2. التوضيح Clarify: في أي وقت فاضي أو ممكن نحدد وقت معين في اليوم، بنعدي على الـ Inbox ده ونشوف النقط اللي سجلناها ونحدد هنعمل إيه على حسب التالي:
+    1. لو النقطة اللي مسجلها متاخدش أكتر من دقيقتين (مش لازم دقيقتين بالظبط بس تخلص بسرعة عموماً) اعملها على طول واشطب عليها أو امسحها.
+    2. لو هي تاسك محتاجة تاخد وقتها حطها في قائمة من القوائم اللي هنتكلم عنها في خطوة Organize.
+    3. لو هي فكرة عموماً أو حاجة محتاج تفتكرها بعدين نوضحها ونكتب الـ context بتاعها ونحطها في الأرشيف أو أي حاجة.
+3. التنظيم Organize: في الخطوة دي بنقسم الـ actionable items أو الحاجات اللي هنعملها في كذا قائمة:
+    - التالي Next Actions: ودي بنحط فيها التاسك اللي جاية أو هنعملها النهاردة. من ضمن الحاجات دي لو هنحدد ميعاد اجتماع أو أي تاسك مفهوم المخرج بتاعها.
+    - معطل Waiting For: هنا بنحط الحاجات الـ blocked أو اللي مستنيين فيها حد تاني أو حدث معين يحصل. وممكن تكون مربوطة بنقطة في الـ Next Actions إننا نتابع الـ block ده اتشال ولا لسة ولا الشخص التاني رد علينا بالحاجة اللي مستنيينها ولا لأ.
+    - المشروعات Projects: وهنا المشروع مش لازم يكون مشروع بالتعريف بتاعه بالحرف، بس هي ممكن تكون أي مجموعة أنشطة مرتبطة ببعضها. بنكتب بس في القائمة دي العنوان وحاجة مختصرة علشان تساعدنا في تحديد الـ Next Action. وكل ما نخلص نقطة ليها علاقة بالمشروع في الـ Next Actions بنرجع هنا علشان نحدد الـ Next Action اللي بعده.
+    - يوماً ما Someday / Maybe: وهنا بنكتب الحاجات اللي بنفكر نعملها يوماً ما في المستقبل أو مش شرط نعملها.
+4. المراجعة Reflect: ودي حاجة بنعملها بشكل دوري، على مستوى صغير كل يوم ومرة كل اسبوع مثلاً علشان نقفل الحاجات اللي مخلصتش خلال الاسبوع اللي فات ونحدد إيه ممكن يتنقل الاسبوع اللي جاي أو إيه ممكن يكون اتلغى. المفروض في الـ reflection الاسبوعي يكون الـ Inbox بتاعنا فاضي للأسبمع القادم.
+5. الاشتباك Engage: ودي خطوة التنفيذ، ممكن تحددلها وقت معين في اليوم تبص على الـ Inbox علشان تبدأ.
+
+طريقة GTD كويسة جداً بس محتاجة إلتزام (زيها زي كل الطرق اللي هتكلم عنها هنا) وشخصياً لما جربتها فترة كانت ظريفة جداً بس لقيت نفسي overwhelmed شوية بالقوائم اللي المفروض أكتب فيها. الطريقة بتاعتي اللي هكتبها في الأخر مستوحاه بشكل كبير من GTD بس بـ structure مختلف شوية.
+
+### 2. طريقة اليوميات المنقطة Bullet Journal
+
+تاني حاجة جربتها هي الـ Bullet Journal. واللي شدني ليها في الأول إنها طريقة analog في الأساس معتمدة بشكل كامل على الورقة والقلم، وفي البداية كنت متحمس جداً لإني كنت بشوف [حاجات شكلها حلو جداً](https://mashaplans.com/bullet-journal-page-ideas-ultimate-list/) وكنت عاوز أعمل شبهها.
+
+الحاجة الأساسية اللي محتاجينها هي أجندة أو journal والأمثل إنها تكون منقطة، بس على حسب ثقتك في نفسك وحسن خطك ممكن تستخدم أجندة مسطرة أو حتى صماء. بعد كدة بتعمل حاجتين، أو حاجة بترقم الصفحات كلها، تاني حاجة بتقسم الأجندة للأقسام التالية:
+
+1.الفهرس Index: أو فهرس للأقسام بتاعتك. وأنا بجرب الطريقة دي أول صفحة من الفهرس كان فيها عناوين الأقسام وصفحاتهم. بعدين فكرت إني ممكن أستغنى عن الصفحة دي لو استخدمت أجندة بفواصل متغيرة زي [Talia](https://taliaproducts.com/) وهي موجودة في مكتبات كتير في مصر بس أنا مبحبش الـ desk-bound أو الـ wire-bound notebooks. أو كان ممكن أستخدم الفواصل اللي بتتلزق دي. المهم، بعد الصفحة الأولي دي كنت سايب كام صفحة فاضية علشان أستخدمهم بعدين.
+2. الخطة السنوية Future / Yearly Spread: ودي المفروض نكتب فيها أهداف السنة، وخلال السنة ممكن نكتب فيها الحاجات الكبية اللي حققناها خلال السنة دي. زي مثلاً الحصول على الماجستير أو العمرة أو أي حدث مهم في حياتنا. بصراحة معملتش دي علشان أنا كل new year resolution بتبوظ مني.
+3. الخطة الشهرية Monthly Spread: ودي على حسب التفضيل بس أغلب الحاجات اللي شفتها بتكون على شكل calendar وفي البداية بنكتب فيها الأحداث اللي متوقعينها في الشهور أو الحاجات اللي بنحتاج نفتكرها زي أعياد الميلاد وبداية ونهاية الدراسة مثلاً، ولو حاجة مخططينلها وعارفين تاريخها امتى. كمان خلال السنة بنكتب فيها أهم أحداث الشهر زي ما بيتعمل في الـ Yearly Spread.
+4. السجل اليومي Daily Log: وده بيبقى جزء الـ journal الفعلي. جزء الـ bullets بييجي إنك بتحاول تكتب كل حاجة على شكل نقطة. فيه أشكال كتير لده طبعاً وبيكون على حسب تفضيلك بس أغلب الأشكال بيكون `•` للتاسك أو حاجة المفروض تعملها، `○` لحدث معين هتحضره أو هتعمله يكون متحددله ميعاد، `–` للملحوظات أو أفكار عامة. وبعد كدة فيه رموز تانية ممكت ترسمها فوق `•` أو `○` زي `×` لو خلصت النقطة دي، أو `>` لو حركت النقطة دي ليوم تاني، أو ممكن تزود علامة استفهام علشان توضح إن النقطة دي مهمة. طبعاً لازم أول صفحة في الـ Log يكون فيها قائمة بالرموز دي أو الـ Keys.
+![My bullet keys](/images/system-keys.jpg)
+5. مجموعات Collections: ودي مجموعات مختلفة على حسب رغبة كل شخص. ممكن يكون فيها أرشيف للمعلومات أو حاجة بتتابع فيها الدايت أو المود وليها أشكال كتير. الحاجة اللي عملتها ونقلتها للنطام الجديد هو إني بعد شربت كام كباية قهوة.
+![My coffee cups tally](/images/system-coffee-tally.jpg)
+
+### 3. طريقة مممأ PARA (Projects, Areas, Resources, Archives)
+
+بعد كدة قريت عن طريقة PARA وهي الهدف منها تنظيم المعلومات وعمل second brain يساعدنا في سهولة الوصول للمعلومات الشخصية. طبعاً ممكن توظيفه إنه يساعد في تنظيم الوقت عن طريق دمجه مع طريقة من الطرق التانية. بس زي ما قلت هو الهدف الأساسي منه عمل Personal Knowledge Management أو PKM. والحلو إن سهل تطبيقها على الورق أو بشكل ديجيتال لإن فيه تطبيقات كتير ده الهدف منها زي Notion و Obsidian و Vimwiki لو انت شخص هاردكور.
+
+تقسيمة النظام ده من الإسم، بتقسم المعلومات اللي في دماغك أو بتعدي عليك عموماً لأربع تقسيمات:
+
+- مشروعات Projects: ودي من اسمها بيكون فيها الحاجات اللي انت شغال عليها بتقسيمها لمشروعات. بطبيعة الحال كل مشروع لازم يكون ليه وقت معين يخلص فيه حتى لو مش معروف الوقت ده، بس يكون هيخلص مش هتفضل تعملها للأبد. وبطبيعة الحال بردو لازم يكون ليها مخرج محدد تقدر تعرف منه إن المشروع ده خلص.
+- مساحات Areas: وهنا بتحط فيها الحاجات اللي بتعملها بشكل دوري ومش لازم يكون ليها نهاية، زي دفع الفواتير، الجيم، أو مهام دورية في الشغل بتعملها كل يوم مثلاً.
+- مصادر Resources: ودي بتحط فيها المراجع أو أي معلومات ممكن تحتاج ترجعلها في يوم من الأيام، أو تكون معتمد عليها في مشروع ما.
+- أرشيف Archive: هنا بدل ما بنمسح الحاجة من حياتنا زي في GTD بنحفظ الفولدرات بتاعة المشروعات اللي خلصت مثلاً، أو لو فيه resources مش محتاجها شخصياً بس محتفظين بيها علشان لو حد سأل عليها وهكذا.
+
+ممكن تقرأ أكتر عن الطريقة دي [هنا](https://fortelabs.com/blog/para/)
+
+### 4. حاجات تانية غيرهم
+
+قابلت بردو حاجات تانية ممكن تدوروا عليهم، للأسف مش لاقي resources قوية ليهم بس جوجل (أو DuckDuckGo أو ChatGPT) صديقكم بقى:
+
+- طريقة Zettlekasten: ودي من أقدم الطرق اللي شفتها وبتساعد على تنظيم المعرفة بشكل notes مترابطة ببعضها. أحسن مثال شفته لحاجة زي كدة هو تطبيق Obsidian.
+- طريقة CODE: ودي في رأيي نفس الحاجة زي GTD بس بضم خطوات مع بعض.
+- طريقة Kanban: لو حد استخدم Trello هيكون عارف إيه دي
+
+## طريقة ظ٣ (نظام التنظيم  المنظم)
+
+*الأسم قلش طبعاً*
+
+الطريقة الأنسب بالنسبة لي كانت خليط بين GTD و Bullet Journal و PARA. أنا أغلب الوقت شايل شنطة ومعايا notebook وقلم وطول الوقت معايا تليفوني. الطريقة الأمثل كانت تضمن استخدام الحاجتين دول بدون تحضيرات كتير، زي تحميل أبلكيشنز ومعرفة بتشتغل إزاي أو عمل تقسيمات وجداول ورسومات بألوان. وكانت فرصة سعيدة إن الشهر اللي فات مراتي جابتلي الـ notebook دي هدية، فقررت أستخدمها.
+
+![My new notebook](/images/system-tools-closed.jpg)
+
+وطبعاً القلم الرصاص والجاف
+
+![All the tools](/images/system-tools.jpg)
+
+الأدوات اللي بستخدمها هي النوت دي، وهي في الحقيقة 3 مع بعض في جراب جلد:
+
+1. دي زي الـ inbox والـ daily log والـ next actions ميكس مع بعض.
+
+![Daily bullets and a snippet of the archive](/images/system-bullets-archive.jpg)
+
+2. دي مساحة التفكير بشكل عام والكتابة الـ freeform عموماً.
+
+![Freeform page](/images/system-blank-thinking.jpg)
+
+3. ودي تعتبر الأرشيف أو مساحة الأفكار اللي على الأقل خلصان منها على الأقل 80%.
+
+في نفس الوقت بستخدم 4 تطبيقات موجودين في كل موبايل بشكل أساسي وهم notes, reminder, calendar, voice recorder. وأنا بتكلم مع صديق على الطريقة بتاعتي لفت نظري إنه ممكن أستخدم WhatsApp بدل الـ notes و voice recorder بإني أبعت رسايل لنفسي وده هيخليها توصل تلقائياً على اللابتوب. وفعلاً فكرة لطيفة.
+
+الخطوات اللي بعملها علشان أستخدم النظام مش بحددلها وقت ما عدا مرحلة التنظيم أخر أو أول اليوم بس، الباقي بعمله بشكل تلقائي طول اليوم أول ما تجيلي فكرة أو أخلص نقطة من النقط اللي شغال عليها:
+
+1. التسجيل: زي الـ Capture في GTD بس هنا بحاول أعمل نقطة الـ Clarify في نفس الوقت لو عرفت. بمعنى إنها لو حاجة تتعمل في وقت قليل بعملها وممكن أسجلها علشان أفتكر إني عملتها ومرجعش أفكر فيها تاني. غير كدة بسجلها بطريقة الـ Bullets عادي. بعمل ده في كراسة الـ inbox لو أنا قاعد على المكتب أو في مكان يسمح إني أطلعها وأكتب، لو بسجلها بسرعة ممكن أحطها في الـ notes أو أسجلها بالـ voice recorder لو مش عارف أوضحها في جملة واحدة.
+2. التنفيذ: ودي مش محتاجة توضيح.
+3. التنظيم: ودي بشكل أساسي بعملها أول أو أخر اليوم وممكن مرة في نص اليوم لو حسيت إن فيه حاجات في الـ inbox كتير مش متحددلها وقت. ببساطة بشوف الحاجات اللي خلصت وبشطب عليها والحاجات اللي اتأجلت. كمان بعدي على الـ notes والـ voice recorder وأكتب الحاجات اللي فيها في الـ inbox وأمسحها علشان ساعة التنفيذ أكون ببص على حاجة واحدة. في المرحلة دي بردو بنظم التاسكات اللي ليها وقت معين بإني بحطها في الـ reminders ولو فيه مواعيد أو حاجات محتاجة تتحط في الـ calendar بحطها.
+
+نقطتين كمان بعملهم:
+- لو باخد ملاحظات أو بفكر بشكل عام بعمل ده في الكراسة الصماء وده بيساعدني "أخلص تفكير" وأوصل لقرار في الأخر بحطه في الـ inbox أو الأرشيف
+- الكراسة بتاعة الأرشيف دي هي الوحيدة اللي مقرر إني ممكن أحتفظ بيها علشان زي PARA دي اللي في الأخر هيكون فيها الـ resources اللي حابب أحتفظ بيها للمستقبل.
+
+أهم حاجة في كل الطرق دي زي ما قلت قبل كدة هو الإلتزام بيها وإنك تكون واثق في الطريقة اللي بتستخدمها علشان ميبقاش دماغك مشغول بالقلق إنك تنسى أو حاجة تقع منك. أياً كانت الطريقة اللي هتستخدمها، إلتزم بيها وظبطها على استخدامك الخاص اللي يناسبك. وإلى اللقاء :)
diff --git a/blog/oshw-x-egypt-introduction.md b/blog/oshw-x-egypt-introduction.md
new file mode 100644
index 0000000..735cabc
--- /dev/null
+++ b/blog/oshw-x-egypt-introduction.md
@@ -0,0 +1,133 @@
+title: المشاريع مفتوحة المصدر في مصر - مقدمة
+date: 2022-05-21
+lang: ar
+
+# المشاريع مفتوحة المصدر في مصر - مقدمة
+
+المقال ده يعتبر الـ speaker notes للـ [slides دي](/includes/OSHWxEgypt.pptx) وكتبتها زي ما بقولها وأنا بعرض الـ slides فمعذرة على إستخدام العامية والإنجليزية كتير في وسط الكلام.
+
+## يعني إيه open-source
+
+كلمة open-source بدون سياق كدة بتترجم في دماغ اللي بيسمعها لـ open-source software زي Linux و Android، بس الموضوع أكبر من كدة شوية. تعريفها الأدق هو
+
+> أي *منتج* متاح *بدون قيود* لإمكانية *تعديله* أو *إعادة توزيعه*.
+
+هنا فيه كذا نقطة:
+
+- **المنتج** هنا قد يكون برنامج كمبيوتر أو دائرة إليكترونية أو معدة معينة أو أغنية أو موسيقى أو مشروب أو مقال زي ده، أو حتى الـ slides اللي بنتكلم منها.
+- **متاح بدون قيود** بمعنى إن معلومات *مصدر* المنتج متاحة للعامة ببلاش. بس ده لا يعني إن المنتج نفسه ببلاش.
+- **المصدر** يعني المعلومات اللي ممكن أي حد يحتاجها علشان يعيد إنتاج المنتج ده، زي الـ code أو تعليمات التركيب أو الـ schematic أو الوصفة وكل الـ documentation اللي تسهل الإستخدام وإعادة بناء المنتج ده.
+- **التعديل** قد يكون علشان يناسب إستخدام معين أو تغيير الهدف من المنتج ككل أو إننا نزود feature جديدة. وقد يكون الهدف هو **إعادة التوزيع** علشان نغير الاسم مثلاً ويبقى منتج منفصل يتباع أو لتقديم خدمات تانية جنبه بفلوس.
+
+## درس تاريخ صغير
+أول حاجة نقدر نقول عليها إنها بقت open-source هي تصميم الـ two-stroke engine في 1911 لما [هنري فورد كسب قضية ضد ALAM](https://www.newspapers.com/clip/74058820/selden-patent-is-void-independent-auto/) (جمعية مصنعي السيارات المرخصين) اللي كانت معاها حقوق برائة الإختراع وكانت بتجبر الشركات تنفذلها اللي هي عاوزاه في مقابل إنها متقاضيهمش لما يستخدموا التصميم.
+
+في الخمسينات والستينات بردو كان الكمبيوترات مش متاحة غير للجامعات والمراكز البحثية في الشركات الكبيرة والفترة دي كان الناس بتنشر الـ software اللي بيتعمل على سبيل التعاون ونشر المعرفة. كمان ساعتها مكانش فيه حاجة زي archtictures ثابتة للكمبيوترات فكان الأسهل إن الناس تنشر الـ code علشان الناس الناحية التانية يعرفوا يستخدموه. وطريقة التواصل ساعتها كان البريد عادي أو التليجراف أو المجلات العلمية لو هيتنشر على مستوى كبير. لحد ما اتعمل ARPANET في 1969، واللي كانت طفرة كبيرة وسهلت التواصل بين الجهات دي وسهلت التعاون بينهم بشكل كبير جداً.
+
+بس في الفترة اللي قبل التمانينات ومع إنتشار الكمبيوتر الـ openness ده بدأ يقل وده لكذا سبب:
+
+- صناعة الـ software بدأت تكبر بشكل كبير وبقى تكلفة التطوير من معدات ومرتبات مبرمجين بتشكل عبء على الشركات.
+- نتيجة للنقطة اللي فاتت شركة زي IBM كانت بتضطر إنها تزود سعر أجهزة الكمبوتر علشان البرامج اللي عليه. لحد ما إترفع عليها قضية في 1969 وكان نتيجتها إن IBM بدأت تبيع البرامج منفصلة عن الأجهزة.
+- في 1973 شركة AT&T نزلت Version 4 من نظام UNIX ودي كانت مكتوبة بالـ C اللي ساعتها كانت أكتر لغة برمجة high level. قبل كدة AT&T كانت بتوزع UNIX ببلاش على الجامعات بس منغير رخصة لإعادة التوزيع. بعد Version 4 بدأت تضيق على المستخدمين في الـ updates والـ patches لحد 1980 لما وقفت التوزيع المجاني وبدأت تبيع رخصة لنظام التشغيل.
+- اللي زود الموضوع CONTU (لجنة الاستخدامات التكنولوجية الجديدة للمصنفات المحمية بحقوق الطبع والنشر) في 1974 أقرت إن الـ code في البرمجيات يتصنف كعمل محمي بحقوق الطبع والنشر.
+
+بعدها بدأت زي حركة مقاومة كدة بدأها ريتشارد ستالمان في 1983 لما عمل GNU Project اللي كان عاوز يعمل نظام تشغيل موازي لـ UNIX بس يكون مجاني ومفتوح المصدر. وبدأ فعلاً يعمل برامج كتبر موازية لبرامج UNIX وعلشان ينشر الموضوع عمل Free Software Foundation في 1985. بس اللي عمل فرق كبير لينس تورفالدز لما عمل Linux kernel في 1991 وبقى عندنا نظام تشغيل open-source بالكامل.
+
+لحد هنا مكانش فيه حاجة بتقول صراحة معنى open-source ومعنى كلمة free. هل معناها إن الحاجة ببلاش ولا إنها مفتوحة المصدر لحد ما جه بروس بيرينز وعمل مبادرة سماها Open Source Initiative في 1998 ونشر الـ Open Source Definition اللي بيحدد إذا كانت الرخصة المنشورة مع أي برنامج دي بتقول هو مفتوح المصدر ولا لأ.
+
+نرجع للـ hardware في أوائل الألفينات كان فيه موقع إسمه FreeIO وده كان قريب جداً من Instructables دلوقتي اللي بيتنشر فيه مشاريع وزي ما قلنا طريقة إعادة عملها أو إنتاجها. وفي منتصف الألفينات بدأت تظهر شركات الـ open-source hardware زي Sparkfun و Adafruit المشهورين دلوقتي. بس اللي حدد التاريخ فعلاً هو أول رخصة للـ open-source hardware في 2007 اللي عملها TAPR (Tucson Amateur Packet Radio Corporation) وهي كانت زي شركة تعاونية غير هادفة للربح لمشغلين الراديو الهواة. وبعدها CERN في 2011 عملت بردو open-source hardware license بإسمها. وأخيراً في 2012 تم إنشاء OSHWA (Open Source Hardware Association) اللي من أهدافها الأساسية منح شهادة للمشاريع الـ hardware إنها open-source، وزي OSI توضيح الفرق بين الرخصة مفتوحة المصدر وغيرها.
+
+## مبادئ الـ open-source
+
+فيه حاجة كدة زي المذهب أو المبادئ اللي بيؤمن بيها المهتمين بالمشاريع مفتوحة المصدر متلخصة في حاجة إسمها The open source way وهي عبارة عن الكام نقطة دول:
+
+- **الشفافية** بمعنى إن لما يبقى المصادر اللي محتاجينها متاحة قدامنا هنقدر كلنا نطور أكتر من شغلنا ومش هناخد وقت طويل في حل مشكلة معينة.
+- **التعاون** بمعنى إننا ندي لبعض الفرصة للمساعدة والمشاركة في تطوير مشاريع مشتركة وده بردو هيخلينا نقدر نحل مشكلات ممكن لو واحد لوحده ميعرفش يحلها.
+- **التطوير السريع** كل ما بدأنا نجرب حل بسرعة كل ما وصلنا لحل أسرع. حتى لو التجربة بتاعتنا فشلت في الأول، إننا نفشل بدري يخلينا نجرب حل تاني بدري.
+- **الشمولية** علشان الأفكار الكويسة ممكن تيجي من أي مكان. وعلشان نشر المعرفة المفروض ميبقاش ليه علاقة بالعرق أو الجنس أو الدين أو أي تصنيف عنصري.
+- **المجتمعية** اللي بتتكون لما مجموعة من الناس تتجمع حوالين هدف أو مشروع معين.
+
+## الفرق بين حق النشر Copyrights والرخص Licenses
+
+الـ **copyrights** ده مصطلح قانوني بيقول مين اللي ليه الملكية الفكرية ومعاه حقوق النشر. الـ **license** هو المصطلح اللي بيوصف شروط إستخدام المنتج اللي صاحب حقوق النشر حاططها.
+
+### أمثلة للرخص غير الحرة
+
+- **سر صنعة** أو **trade secret** ودي بتبقى للمنتجات اللي مش معروف طريقة عملها ومش متاح إستخدامها خارج نطاق الشركة اللي عاملاه. زي الـ algorithms بتاعة Facebook مثلاً. حاجة زي كدة مش بتبقى منشورة أصلاً.
+- **امتلاكي** أو **proprietary** ودي بنشوفها في أغلب المنتجات عموماً، بنقدر نشتريها ونستخدمها بس منعرفش معمولة إزاي. أو ممكن منقدرش نعيد نشرها وده التطبيق العادي بتاع حقوق الملكية الفكرية.
+- **لغير الإستخدام التجاري** أو **non-commercial** ودي بتسمح بإستخدام المنتج بس ميكونش الهدف منه التربح يعني منقدرش نبيعه تاني. زي رخصة JRL بتاعة شركة Sun الراحلة أو AFPL اللي بإختصار بتقول أدي الـ source-code ممكن تبص عليه بس متقدرش تستخدمه. للحاجات اللي مش software أشهر أنواع الـ license هي الـ Creative Commons Licenses ومنها الـ CC-BY-NC.
+
+### أمثلة للرخص الحرة/المفتوحة
+
+- الـ **copyleft** ودي قلشة يعني على أساس إنها عكس الـ copyright ودي بتدي كل الحقوق للمستخدم ما عدا إنه يحول المنتج لـ proprietary. زي GPL أو الـ AGPL أو CC-BY-SA. والرخص دي بيتقال عليها بردو non-permissive licenses علشان بيبقى فيها شروط.
+- الـ **permissive licenses** ودول الأشهر وبيزودوا على الـ copyleft إنها رخص بتسمح بإعادة الترخيص بس بتشترط ذكر المشروع الأصلي. زي MIT و Apache و MPL و CC-BY.
+- أخيراً الـ **public domain** أو **النطاق العام** ودي المطور بيتنازل عن كل حقوقه في المنتج اللي هو بينشره لله وللوطن. زي WTFPL أو CC0 أو مجرد إنك تقول إنك بتهب المشروع ده للمنفعة العامة.
+
+## مزايا وعيوب المشاريع مفتوحة المصدر
+
+المزايا والعيوب بتعتمد بشكل كبير على نظرتنا للأمور وحسب حالة ومرحلة كل مشروع. هنتكلم عن كل نقطة وليه ممكن تبقى ميزة وعيب إذا كنت مطور أو مستخدم لمشروع مفتوح المصدر:
+
+- **التكلفة** حتى لو المنتج مش ببلاش أو تطويره محتاج فلوس فتكلفته هتبقى أقل بكتير في الأول. بس لما الموضوع بيكبر شوية ممكن تكلفة (كقطع أو ساعات عمل) التطوير أو الصيانة فيه تزيد بشكل كبير.
+- **الـ reliability والدعم** لو مشروع مفتوح المصدر مشهور أو مستخدمينه كتير هتلاقي ليه مجتمع بيراجع وبيطور المشروع ولو فيه حد عنده مشكلة هيبقوا بيتسارعوا لحلها. وبناء على قوة الـ community ده النقطة دي هتبقى ميزة أو عيب.
+- **الإستدامة** ودي بردوبتعتمد على قوة الـ community. لو المجتمع اللي حوالين المشروع قوي، تحركه لقدام أو فترة حياته مش هتبقى معتمدة على الشركة. لو المشروع مجذبس إهتمام الناس بشكل كويس هيبقى عمره قليل.
+- **الأمان** بما إن المصدر متاح لكل الناس، عيوبه أو ثغراته هتبان بسرعة. بس من الناحية التانية هتتحل بردو بسرعة.
+- **سهولة الإستخدام** في المشاريع مفتوحةالمصدر بتبقى معتمدة على تفضيلات المطور أكتر، أو وجهة نظره. بس من ناحية تانية أغلب المطورين بيعتمدوا على conventions أو معايير معروفة أو منشورة بشكل حر.
+
+## أهمية المشاريع مفتوحة المصدر لينا في مصر
+
+الجزء ده معتمد بشكل كبير على رأيي الشخصي فياريت تاخدوا ده بعين الإعتبار.
+
+### في الوقت الحالي
+
+عندنا في مصر عدد من الـ startups اللي بيشتغلوا في الـ IoT والـ wearables أو اللي بيعملوا 3D printers أو مكن أو بيستخدموا الـ digital fabrication. أغلب شغل الناس دي معتمد بشكل كبير على مشاريع فتوحة المصدر مشهورة. كمان معظم الكورسات في مجال الـ embedded systems أو الإلكترونيات أو حتى التصميم الميكانيكي بتعتمد على أدوات مفتوحة المصدر. زي مثلاً الـ development boards والبرامج والـ libraries اللي بيشتغلوا بيها.
+
+حاجة كمان في موضوع الـ development boards إن بسبب سعرها العالي (زي الـ Arduino الأصلي)، بعض المصنعين بيعملوا clones تكون أرخص وحتى فيه نسبة منها بتتعمل هنا في مصر. وعلشان كدة بنقول إن الـ open-source عموماً مهم جداً عموماً وبالنسبة لينا خصوصاً في مصر دلوقتي.
+
+### في المستقبل
+
+ده يعتبر ملخص للنقط اللي اتكلمنا فيها بس للتأكيد، المشاريع مفتوحة المصدر بتساعدنا في:
+
+- تسريع عملية تطوير المنتج بتاعي عموماً
+- تقليل تكلفة دخول السوق إلى حد ما. علشان لو بعمل مشروع مش هكون مضطر أشتري منتج كامل أبني عليه مشروعي. هبقى عارف إيه المكونات اللي محتاجها وهشتيرها بس.
+- بتعمق المعرفة علشان إنت بتبدأ تشتغل على تطبيق جديد مش بتعيد إختراع العجلة.
+- بتساعد الناس إنها تطور من مهاراتها أكتر، لإنه عارف الحاجة اللي شغال عليها معمولة إزاي، غير كدة بيبقى عارف ليه هو أخد القرارات اللي أخدها دي.
+- بتخلي التركيز يكون على حل المشكلة الفعلية مش على بناء الأدوات أو تجهيز الـ framework اللي المطور هيشتغل بيها.
+
+## أمثلة لنماذج عمل لمشاريع مفتوحةالمصدر
+
+- في الـ software
+  - بيع خدمة جانبية زي التدريب أو الدعم زي ما RedHat بتعمل مثلاً
+  - تطوير حلول مخصوصة أو تخصيص الـ software للشركات زي ERPNext
+  - تقديم خدمة hosting أو البيع بنموذج SaaS زي Wordpress مثلاً
+  - تقديم المشروع تحت رخصتين واحدة منهم open-source للنظام الأساسي أو open-core وتقديم بعض الـ plugins برخصة تجارية
+  - التبرعات أو العضويات أو الـ crowdfunding
+
+- في الـ hardware
+  - بيع الـ hardware نفسه أو خدمات حواليه زي Arduino و Raspberry Pi
+  - تجميع kits زي Sparkfun و Adafruit
+  - تقديم hardware متخصص زي OpenROV والدعم الفني
+  - وكمان فيه بعض الشركات بتقدم خدمات الـ calibration لحاجات زي الـ SDR
+
+### أمثلة لمنتجات ناجحة
+
+- في الـ development boards عندنا Arduino و Raspberry Pi
+- حاجة زي الـ OpenROV دي غواصة بتشتغل عن بعد ممكن تستخدم لأعمال الصيانة أو استكشاف تحت الماء
+- في مجال الـ security فيه Solokey و USB armory
+- وطبعاً الـ 3D printers المشهورة زي Ultimaker و Prusa
+
+### أمثلة لشركات ناجحة
+
+- اتكلمنا عن Adarfuit و Sparkfun ودول موردين مكونات وبيطوروا بردو hardware modules
+- شركة Cosylab و CREOTECH بيعملوا control systems للمصانع
+- شركة GL-Research بتعمل معدات علمية وطبية
+- شركة SyncTechnology و Seven Solutions بيعملوا أدوات توقيت و timers للمجال الصناعي بردو
+
+وفيه غيرهم كتير.
+
+وعندنا أمثلة للـ communities زي Hackaday و Hackster.io و Instructables و EEVblog و All About Circuits و Dangerous Prototypes وغيرهم كتير.
+
+## أخيراً
+
+الهدف من الـ presentation دي إننا نثير فضولكم شوية علشان تبدأوا تدوروا في الموضوع
+
+وشكراً